(UPD) Мінск - Брэст

UPD. 09.06.2020

Вітаю, сябры!

У меня ўжо даўно была ідэя даехаць з Мінска да Брэста на ровары, па дарозе заяжджаць у цікавыя мясціны, глядзець мястэчкі, сядзібы і замкі.

Гэта велападарожжа разлічана прыкладна на 7 дзён, магчыма больш, бо не хочацца ляцець па 100 км у дзень. Прыкладны кіламетраж - 50-80 км у дзень, з адпачынкам, абедамі, музеямі, фота, плаваннем і вогнішчам. Начоўка ў палатцы, пару начэй магчыма домікі/хостэлы/гатэлі.

Дарога і што нас чакае:

• 1 дзень Мінск - Станькава - Акіньчыцы (радзіма Якуба Коласа) (86 км) (Субота)
• 2 дзень Акіньчыцы - Нясвіжскі замак (ЮНЭСКО) - Мірскі замак (ЮНЭСКО) (75 км) (Нядзеля)
• 3 дзень Мір - Вялікая Мядзведка (радзіма Ігната Дамейкі) - Ішкалдзь (прыгажэйшы касцёл) - Зубр - Завосье (радзіма Адама Міцкевіча) - Баранавічы (музей паравозаў) (76 км) (Панядзелак)
• 4 дзень Баранвічы - Івацэвічы (Дуга Струвэ - ЮНЭСКО) (72 км) (Аўторак)
• 5 дзень Івацэвічы - Косава (радзіма Тадэвуша Касцюшкі) - Ружаны (палац Сапегаў) - Пружаны (89 км) (Серада)
• 6 дзень Пружаны - Камянец (Белая Вежа) (65 км) (Чацвер)
• 7 дзень Камянец - Брэст (43 км) (Пятніца)
• 8 дзень у Брэсце (Брэсцкая крэпасць і г.д.) і цягнік на Мінск (Субота)

Усяго каля 500 кіламетраў!

Назад вяртацца будзем цягніком Брэст-Мінск, межрэгіянальных бізнэс ліній (то бок з месцам для ровару). Ад'яжджае ён а 19.05 з Брэста, прыяжджае ў Мінск а 22.40. Купіць білет праз інтэрнэт можна з 15.06.2020 (што я і раю зрабіць). Такім чынам, у нас будуць амаль цэлыя суткі ў Брэсце, думаю, хопіць на агляд. 

Кропкі зыходу будуць - гэта Баранавічы і Івацэвічы (палова шляху)

Выяжджаем у суботу, каб у наступную пятніцу быць у Брэсце, мець адзін дзень на адпачынак і агляд гораду, і каб вернуцца да дому ў суботу вечарам, і мець яшчэ адзін выходны, а не адразу ісці на працу.

Як мы едзем:

Гэта паездка для тых, хто любіць прыгоды і авантуры. 

Я ведаю, як яна пачнецца, але не ведаю, чым скончыцца. Магчыма, мы даедзем да пункту знаходжання, магчыма усё бросім на паўдарозе і будзем шукаць пуці да дому. Таму вельмі важна эмацыянальны пазітыў і надзея на лепшае =)

Наша падарожжа - гэта сумесныя рашэнні і ідэі, таму можна пакідаць свае каментары і заўвагі.

Па пунктах:

1. Першая мэта нашай вандроўкі - добра правесці час. Таму сярэдняя хуткасць у дзень наша будзе невялікая, ад 10 да 15 км/г, у залежнасці ад надвор'я, ветру, стану групы.

2. Другая мэта вандроўкі - добра правесці час =) Таму яна не падыйдзе для тых, хто любіць хучэй, вышэй, мацней, у нас не спаборніцтва.

3. Усё ж такі трэба разлічваць свае сілы ( то бок для вас гэта не павінен быць пачатак сезону), пастарацца зрабіць некалькі пакатушак больш за 50 км за раз.

4. Мы будзем усіх чакаць, дапамагаць і патрымліваць. Ніякі Несвіжскі замак не варты здароўя. Гэта не Парыж, які можна ўбачыць і памярэць.

5. Падчас вандроўкі абавязкова будзем добра харчавацца (агульны кацёл), са снеданнем, абедам і вячэрай, гарачымі і халоднымі блюдамі, першым, другім і трэцім. Энэргія нам патрэбна.

6. Кушаць ад часу да часу будзем ў кавярнях, спаць будзем у палатках, але мінімум раз трэба будзе ў гасцініцы/хостэлу (каб добра адпачыць, падзарадзіць усю электроніку, пасцяраць рэчы).

7. Таму трэба будзе мець з сабою грошы.

Падрыхтоўка:

• падрыхтаваны прыкладны план харчавання
• рыхтуецца прыкладны кошт вандроўкі
• падрыхтаваны штодзённы план вандроўкі

Што мець з сабою:

Трэба браць як можна менш рэчаў ( у большасці сваёй адзенне і асабістую гігіену), бо едзем не аўтаномна, а заяжджаем ва ўсе гарадкі і вёскі.  Вельмі раю не везці нічога на спіне, а ўладкаваць велаштаны на багжнік.

1. Добра працуючы велік (зганяць на поўны тэхагляд перад паездкай)
2. Адзенне падчас язды і зменнае для прывалу (акрамя усяго прочага вельмі раю ўзяць шлёпкі і плаўкі). Куртка-дажджавік
3.  Велаптэчка (+камера) і асабістая аптэчка
4.  Асабістыя сродкі гігены
5.  Палатка (калі ёсць)
6.  Карэмат (дыванік ў палатку)
7.  Спальнік
8.  Грошы (чым менш рэчаў, тым больш грошаў)
9. Ліхтар (ноччу ехаць не будзем, але спатрэбіца на кэмпінгу)
10. Сталовыя прыборы (кубак, талерка, нож)
11. Паўэрбанк (калі ёсць), зарадка для мабільніка
12. Сродак ад загару (сонца)
13. Сродак супраць камароў
14. ...

Забаронена падчас падарожжа:

1. Знешняя музыка (выключэнне: на кэмпінгу пры згодзе ўсіх)
2. Наркотыкі ў любым выглядзе, а таксама злоўжыванне алкаголем
3. Небяспечная язда (для сабе, для машын, для пешаходаў, для сваіх спадарожнікаў).
4. Песімізм, упадніцкі настрой, ныццё, паніка, агрэсія і іншыя дэструктыўныя паводзіны
5.  

Вельмі пажадана падчас падарожжа:

1. Лёгкасць, пазітыў, добрае пачуццё гумару, цікавасць да наваколля
2. Знаёмасць гісторыі (!)
3. Добры фізічны стан
4. Смеласць і авантурнасць
5. ...