МРТ: Маркіроўка маршрута

Мінскае роварнае таварыства распачынае вялікую працу – стварэнне велатурыстычных маршрутаў  па ўсёй Беларусі. Стварэнне – гэта значыць разведка, маркіраванне, апісанне, стварэнне сайта. Задача, безумоўна, глабальная, таму пачнем мы з пазначэння ўжо праверанага 20-кіламетровага маршрута недалёка ад Валожына. У сувязі з гэтым абвяшчаецца пакатушка “Маркіроўка маршрута”.

План просты: у нядзелю, 29 ліпеня,  пасля абеду выязжаем у аграсядзібу “Марцінова гусь” – адназу на электрычцы да Аляхновічаў, адтуль – сваім ходам. Ад'езд аэлектрычкай на Маладзечна ў 16.09. Збор на вакзале каля прыгарадных касаў, што блізу 23-й каляі ў 15.50. Хто не паспее - заходзіць адразу ў трэці вагон. Там мы начуем і ўвесь наступны дзень прысвячаем маркіроўцы маршрута. Увечары шашлычым, начуем і ў аўторак вяртаемся ў Мінск.

Начлег – у аграсядзібе, таму намёты можна не браць, але спальнікі, бадай што, спатрэбяцца.
Фарбай, пэндзлямі і трафарэтамі забяспечвае Мінскае роварнае таварыства.
Ездзіць будзем спакойна і матрасна.

P.S. Месцаў начлегу шмат, але іхняя колькасць не бясконцая.