Купалаўскімі мясцінамі (Мінск-Заслаўе-Вязынка-Сёмкава-Мінскае мора)

Вітаю вас зноў, шаноўнае спадарства!

Так ужо павялося (не наўмысна), што мне хочацца не проста ехаць доўгія кіламетры і прыпыняцца толькі на перакус, але і глядзець цікавыя месяцы, фоткаць, размаўляць з людзьмі, артымліваць асалоду ад наваколля.

У гэты раз прапаную ахвотным паехаць спачатку ў Заслаўе, а потым па Купалаўскім мясцінам у Вязынку.

Буду вельмі рады бачыць усіх, хто ездзіў са мною ў мінулыя вандроўкі, а таксама новых ахвотных!

Тэмп: Сярэдні 15 км/г (ад 12 да 20 км/г, часамі пешшу)

Усіх чакаем, нікога не кідаем. Мяне таксама трэба чакаць =)

У 10.00 сустракаемся ля маста праз МКАД (Каменагорская 11) і а 10.10. накіроўваемся ў Тарасава, дзе ўсё ж такі паглядзім могілкі немецкіх ваенапалонных (я іх знайшоў). Далей заедзем ў Качына, паглядзім незвычайную царкву. 

А далей маляўнічымі ляснымі укатанымі сцежкамі (самымі маімі любімымі) едзем ў Заслаўе. Там глядзім шмат цікавага: канешне ж Гарадзішча, Слёзы Рагнеды, пасланне патомкам, помнік Волату і г.д. Набіраем воду і закупаемся на абед (вялікая крама Гіпа). То бок Заслаўе мы будзем глядзець уздоўж і ў поперак. Горад маленькі, а цікавых мест шмат.

Потым едзем у Вязынку (40 км) і робім там абед і касцёр! Адпачываем, п'ем гарбатку, кушаем, размаўляем пра прыроду =)

А наступны наш пункт - вёска каля Мінска Сёмкава (65 км), дзе знаходзіцца Сядзіба Хмараў. Нядаўна туды ездзіла Tanyushkat5, у мяне не атрымалася, але я вельмі хацеў. Таму паеду сваім ходам. У сядзібу  нават прыязжаў апошні кароль Рэчы Паспалітай  Станіслав Аўгуст Панятоўскі. Сядзіба разбураецца паволі, таму трэба ўбачыць на ўласныя вочы, пакуль не знікла. Па дарозе таксама ўбачым некальці цікавых месц.

А вось далей я прапаную ахвотным паехаць са мною на Вячу з начоўкай (я паеду на рыбалку з палаткай), будзем паліць касцёр, лавіць ноччу рыбу, кушаць, размаўляць і г.д. Не абавязкова лавіць рыбу, каб далучыцца. 

Потым можна ехаць на Мінск (праз Зацень), альбо паехаць на фініш на парапет Мінскага мора і там зрабіць канчатковае фота. (72 км). Ну і да Мінска яшчэ некалькі кіламетраў па веладарожцы - і выйдзе 80 км.

Прыблізны час фінішу:

18.00 (5 гадзін ехаць, 3 гадзіны адпачываць)

Кропак сходу будзе некалькі: 

Заслаўе (20 км) (цягнік)

Пятрышкі (45 км) (цягнік)

Анусіна (50 км) (цягнік)

Сёмкаў Гарадок (70 км) (роварам да Мінска)

Крамы:

Вялікая ў Заслаўі, усе астнія мелкія (але практычна ў кожнай вёсцы).

Што мець з сабою:

Кубак (каб папіць гарбаткі)!

Спраўны ровар
Велааптэчка (+камера), асабістая аптэчка
Грошы (купіць папіць ці паесці)

Забаронена падчас падарожжа:

Знешняя музыка (выключэнне: на кэмпінгу пры згодзе ўсіх)
Наркотыкі ў любым выглядзе, а таксама злоўжыванне алкаголем.
Небяспечная язда (для сабе, для машын, для пешаходаў, для сваіх спадарожнікаў).

Размовы і спрэчкі пра палітыку, рэлігію і веру.
Песімізм, упадніцкі настрой, ныццё, паніка, агрэсія і іншыя дэструктыўныя паводзіны.

Дзень можа быць перанесены зза надвор'я. Сачыце за аднаўленнямі!