(UPD) Дзвюма веладарожкамі

UPD 19.06.20

Вырашыў ехаць заўтра пры любым надвор'і!

Літаральна ўчора скончылася доўгае падарожжа, больш за 100 км, пасля каторага я думаў, што як мінімум пару тыдняў нікуды не паеду. Але, паспаўшы, адпачыўшы, я зноў вітаю вас шаноўнае спадарства! 

Ровар - гэта сапраўдны наркотык!

Збіраюся зрабіць адну маленькую паездку, каб паглядзець дзве веладарожкі - да Бараўлян і да Вячы. Запрашаю ўсіх ахвотных.

За 32 гады жыцця ў Мінску ніколі не быў у Курапатах, і вось хачу паглядзець (ніякай палітыкі, толькі гісторыя). Потым накіроўваюся па веладарожцы ў Бараўлян і там гляджу некаторыя будынкі. Бараўляны даволі новы пасёлак і нічога супер-цікавага там няма, але вось царквы і капліцы прыгожыя. Перад гэтым планую заехаць на маленькую сажалку, якая стала вельмі папулярная ў мясцовых жыхароў. Асаблівасць сажалкі - гэта дарога да яе. Праз лес.

Далей паеду на Вячу, дзе планую зрабіць вогнішча і доўгі абед. Проста пасядзець, адпачыць, паназіраць прыроду, пагутарыць.

А ўжо пасля шляхамі па беразе Вячы выеду на веладарожку і паеду на Мінск да ўсім вядомага леспарака Дразды. Канец будзе каля вадаспадаў. 

Як бачыце, падарожжа маленькае і нецяжкае. Сярэдні тэмп - 15км/г.

Збор а 10.00 на вуліцы Мірашнічэнка (на карце)

Увага: Калі хто не хоча ехаць у Курапаты, можна далучыцца каля Гіпа, альбо ў Бараўлянах.

Крамы:

 каля МКАД (Гіппа), Бараўляны, Бораўцы, Паперня,

Прыблізны час фінішу:

Я ўжо баюся загадваць,але каля 6 вечара.

Кропак сходу няма.

Што мець з сабою:

Кубак (каб папіць гарбаткі)!

Спраўны ровар
Велааптэчка (+камера), асабістая аптэчка
Грошы (купіць папіць ці паесці)

Забаронена падчас падарожжа:

Знешняя музыка (выключэнне: на кэмпінгу пры згодзе ўсіх)
Наркотыкі ў любым выглядзе, а таксама злоўжыванне алкаголем.
Небяспечная язда (для сабе, для машын, для пешаходаў, для сваіх спадарожнікаў).

Размовы і спрэчкі пра палітыку, рэлігію і веру.
Песімізм, упадніцкі настрой, ныццё, паніка, агрэсія і іншыя дэструктыўныя паводзіны.

Дзень можа быць перанесены зза надвор'я!