21-28 ліпеня. Роварна-турыстычны летнік ВелаКрэва 2012 ад “Гісторыкі”

"Ці ёсць сярод вас аматары ровараў, буйных роварных падарожжаў і маленькіх роварных шпацыраў? Калі вы, альбо вашыя сябры адносяцца да гэтае катэгорыі людзей, вам абавязкова варта наведаць роварна-валанцёрскі летнік у в. Крэва, што адбудзецца з 21 па 28 ліпеня 2012 г.

У праграме летніку — выведка пешаходных і роварных маршрутаў, стварэнне электроннай турыстычнай мапы з фатаздымкамі і звесткамі пра аб'ект, роварныя экскурсіі па наваколлі і іншыя «пакатушкі» у вольны час (па цікавых месцах, купацца на возера, альбо ў краму за марозівам))). І ўсё гэта будзе адбывацца ў наваколлях гістарычнага Крэва, з яго замкам, касцёлам, помнікамі Першай Сусветнай вайны і іншымі славутасцямі, каля якіх абавязкова варта пабываць. Летнік у Крэва — гэта цудоўная магчымасць больш дэталёва разгледзіць Крэва, выбрацца на ровары ў раней невядомыя мясціны і пакінуць свой унёсак у гісторыю пэўна самага цікавага з малых мястэчак Беларусі.
Дзе?
в. Крэва Смаргоньскага раёна
Калі?
З 21 па 28 ліпеня 2012 г.
Дзе жывем?
Жывем у паходных умовах — у наяўнасці ёсць жылое збудаванне (звычайная вясковая хатка), у якой можна размясціцца на падлозе ў спальніку. На пляцоўцы, прадугледжанай пад базу, ёсць шмат месца, дзе можна размясціць намёт."

Падрабязнасці і кантакты арганізатараў: http://my-historica.org/2012/07/...