Вячэрні выезд на шашлыкі за горад, Лагойскі накірунак

Збор каля Мака на Лагойскім тракце

Ёсьць жаданьне выехаць з якім мясам ці сасіскамі ў паўночным накірунку з тым, каб пасядзець увечары каля вогнішча, паразмаўляць, ну неяк так. Мы з Арсеніем, здаецца, знайшлі неблагую палянку блізу Ляснога і веладарожкі, што на Раўбічы, даезд туды нескладаны, лес падаўся больш-меньш прыстойным, фоты і каардынаты мейсца ёсьць на http://www.everytrail.com/view_trip.php?trip_id=1051376.

Плян такі:

1. Едзем вечарам, бо ўдзень ёсьць справы.

2. З п. 1 вынікае неабходнасьць сьвятла на ровары, хаця ж бы габарытнага. Хто хоча ехаць, але ня мае мажлівасьці - адпішыцеся, будзем штосьці падумаць.

3. Пажаданая экіпіроўка - ежа і пітво на сабе, калі які ліхтарык - то зусім файна. На выездзе ёсьць нейкі Гіппа, думаю, ежу-пітво там можна набыць.

4. Камусьці трэба прыцягнуць сякеру дый невялікую рыдлёўку. Сякеру, верагодна, возьмем мы самі, мажліва і з рыдлёўкай нешта прыдумаем, аднак калі ёсьць у каго - пішыце, зрабіце палёгку

5. Будзем вельмі акуратныя, лес, здаецца, не на тарфяніку, дый сэзон ня той каб пажар быў, плюс сьмецьце будзем складаць у якую торбу і пасьля выкідаць, годзе ўжо гэтага барбарства

6. Вяртаемся калі дакладна будзе цёмна. Па мейцы будзем удакладняць, як і што.

Калі па што забыўся - пішыце-камэнтуйце

Upd: Калі каму надта позна ехаць у суботу ўвечары - мы разглядаем магчымасьць паўтору ў нядзелю удзень, каля 3 старт ад таго ж мейсца, калі будзе жаданьне і кворум.