Прэзентацыя велаэкскурсіі «Мінск Габрэйскі»

Ужо ў XVI стагоддзі у Мінску загучала юдэйская малітва. А пасля ўказу аб Мяжы аседласці (XVIII ст.) мінская габрэйская грамада стала адной з самых буйных у Расійскай Імперыі: колькасць сінагог імкліва павялічвалася, а менскія рынкі напоўніліся гутаркамі на ідыш.
Пазней, са з'яўленнем у Мінску буйных прадпрыемстваў уладальнікаў-габрэяў, горад стаў цэнтрам габрэйскай культуры, палітычнага жыцця і адукацыі. Самае вядомае габрэйскае пасяленне Мінска - Ракаўскае прадмесце. Менавіта яно ў 1940-я гг. становіцца месцам Катастрофы, месцам гібелі тысяч беларускіх і дэпартаваных з Заходняй Еўропы габрэйскіх сем'яў, дзе сёння ўсталяваны знакамітыя мемарыялы.
Мінск габрэйскі - гэта багатая гістарычная спадчына, непарыўна звязаная з беларускай культурай. Будзем рады пазнаёміць вас з ёй падчас нашай новай велаэкскурсіі «Мінск габрэйскі»!

удзел бясплатны,
Запіс абавязковы па тэлефонах:

+375 29 863-21-50
+375 29 365-37-27

іншыя нашыя велаэкскурсіі ў ліпені'2016
19.07 (ат), 18.30 "Я хацеў бы спаткацца з Вамі..." на ровары: менскімі шляхамі Багдановіча
22.07 (пт), 22.00 Апоўначы ў Лошыцкім парку: сцежкамі паркавых прывідаў